SAHAR

نیویارک پولیس نے روچسٹر میں دہشتگردانہ حملے اور اس میں کم سے کم تین افراد کے ہلاک ہونے کی خبردی ہے۔

سحر نیوز/ دنیا: نیویارک میں روچسٹر پولیس کے سربراہ ڈیوڈ اسمیتھ نے اعلان کیا ہے کہ ایک دہشتگرد نے گيس سیلنڈروں اور پیٹرول سے بھرے گیلنوں سے بھری ہوئی ایک گاڑی کوایک کنسرٹ کے پاس پارک کی ہوئی گاڑی سے ٹکرا دی جس کے نتیجے میں آگ بھڑک گئی جس کے نتیجے میں کم سے کم تین افراد ہلاک اور متعدد راہگیرزخمی ہوگئے۔

نیویارک پولیس نے اس دہشتگرد کی شناخت کا اعلان کرتے ہوئے اس کا نام مایکل اوری بتایا ہے جس کی عمر پینتیس سال ہے۔ اس دہشتگردانہ اقدام کے ذمہ دارشخص کو زخمی حالت میں اسپتال میں داخل کردیا گيا ہے اور اس کی حالت بھی نازک ہے۔ اس رپورٹ کے مطابق ادارہ انسداد دہشتگردی کےاہلکاروں نے موقع پرپہنچ کر تحقیقات شروع کردی ہیں۔