افریقی ملک ایتھوپیا میں ایک ٹرک دریا میں گر گیا جس کے نتیجے میں 71 افراد ہلاک ہوگئے۔

سحرنیوز/دنیا:   غیر ملکی میڈیا کے مطابق ایتھوپیا میں لوگوں سے بھرا ایک ٹرک بے قابو ہوکر دریا میں جاگرا جس کے نتیجے میں 71 افراد اپنی جانوں سے ہاتھ دھو بیٹھے ہیں۔ یہ حادثہ ضلع بونا میں پیش آیا ہے۔ مسافرشادی میں شرکت کے لیےجا رہے تھے۔  حادثے میں ہلاک ہونے والوں میں 68 مرد اور 3 خواتین شامل ہیں۔ زخمی ہونے والے افراد کو بونا اسپتال میں طبی امداد دی جارہی ہے۔ 

ایتھوپیا میں ڈرائیونگ کے برے معیار اور گاڑیوں کی فٹنس نا ہونے کی وجہ سے ہر سال ٹریفک حادثات میں کئی قیمتی انسانی جانیں ضائع ہو جاتی ہیں۔ سنہ 2018 میں ایتھوپیا  میں ایک بس کھائی  میں گرنے سے 38 افراد ہلاک ہوگئے تھے جن میں اکثریت طالب علموں کی تھی۔