SAHAR

اسرائیلی فوج کے ایک سینیئر کمانڈر نے اعتراف کیا ہے کہ غزہ پٹی میں مزاحمت کی طاقت نہ ختم ہوئی ہے اور نہ ہی ہوگی۔

سحرنیوز/دنیا: شمالی غزہ میں واقع جبالیا کیمپ میں تعینات صیہونی فوج کی گیواتی بریگیڈ کے ایک کمانڈر نے صیہونی ٹی وی چینل سے ایک انٹرویو میں کہا ہےکہ جب دو فلسطینی جنگجو مارے جاتے ہیں تو ان کی جگہ چار دوسرے آ جاتے ہیں۔ 

صیہونی اخبار یدیعوت احارونوت نے بھی اس سے قبل اپنی ایک رپورٹ میں مغربی حکام کے حوالے سے لکھا تھا کہ حماس حالیہ دنوں میں غزہ میں اپنی توانائی بحال کرنے اور المواصی اور النصیرات جیسے اہم علاقوں پر پھر سے قبضہ کرنے میں کامیاب ہوئی ہے۔ 

یدیعوت احارونوت نے اپنی اس رپورٹ میں لکھا ہے کہ حماس نے یک بارگی کافی حد تک اپنی توانائیاں بحال کر لی ہیں اور وہ امدادی کاروانوں کو لوٹنے والے گروہوں کا صفایا کرنے میں کامیاب ہوئی ہے۔