شنگھائی تعاون تنظیم کے سیکریٹری جنرل کی جانب سے شہید رجائی بندرگاہ کے حادثے میں جاں بحق ہونے والوں کے لواحقین ، ایرانی حکومت اور عوام کو تعزیت
Apr ۲۹, ۲۰۲۵ ۱۳:۳۷ Asia/Tehran
شنگھائی تعاون تنظیم کے سیکریٹری جنرل نے ایران کے وزیر خارجہ کو شہید رجائی بندرگاہ کے سانحے کی تعزیت پیش کی ہے۔
سحرنیوز/دنیا: شنگھائی تعاون تنظیم کے سیکریٹری جنرل نورلان یرمکبایف نے اسلامی جمہوریہ ایران کے وزیر خارجہ سید عباس عراقچی کے نام پیغام میں شہید رجائی بندرگاہ کے حادثے پر افسوس ظاہر کرتے ہوئے ، اس سانحے میں جاں بحق ہونے والوں کے لواحقین، ایرانی عوام اور حکومت کو تعزیت پیش کی ہے۔ انھوں نے اس سانحے میں زخمی ہونے والوں کے لئے جلد شفایابی کی آرزو کی ہے۔
قابل ذکر ہے کہ ایران کے شہر بندر عباس کی شہید رجائی بندرگاہ میں سنیچر 26 اپریل کو خوفناک دھماکہ ہوا جس کے بعد آگ لگ گئی ۔ اس سانحے میں 46 افراد جاں بحق اور سیکڑوں زخمی ہوگئے ۔
