بین الاقوامی عدالت انصاف میں صیہونی حکومت کے خلاف مقدمے میں بیلجیم کی انٹری

Dec ۲۴, ۲۰۲۵ ۱۵:۱۹ Asia/Tehran

بین الاقوامی عدالت انصاف میں غاصب صیہونی حکومت کے خلاف نسل کشی کے مقدمے میں بیلجیم بھی باقاعدہ شامل ہوگیا ہے۔

سحرنیوز/دنیا: ارنا کی رپورٹ کے مطابق بین الاقوامی عدالت انصاف میں غاصب صیہونی حکومت کے خلاف دائر مقدمے میں اب ایک اور ملک بیلجیم کی انٹری ہوگئی ہے۔

بین الاقوامی عدالت انصاف نے بتایا ہے کہ بیلجیم نے 23 دسمبر کو عدالت کے منشور کی دفعہ 63 کا حوالہ دیتے ہوئے صیہونی حکومت کے خلاف جنوبی افریقہ کے دائر کردہ نسل کشی کے مقدمے میں شمولیت کی درخواست جمع کرائی ہے۔

ہمیں فالو کریں:

اس سے پہلے برازیل، کولمبیا، آئر لینڈ، میکسیکو، اسپین اور ترکیہ سمیت متعدد ممالک صیہونی حکومت کے خلاف اس مقدمے میں اپنی شمولیت کی درخواست جمع کراچکے ہیں۔