Oct ۲۹, ۲۰۲۰ ۱۸:۴۲ Asia/Tehran
  • متحدہ عرب امارات میں امریکی شہریوں کو انتباہ

ریاض میں امریکی سفارت خانے کے انتباہ کے بعد ابوظہبی میں بھی امریکی سفارت خانے کی جانب سے ممکنہ حملوں کے سلسلے میں امریکی شہریوں کو متنبہ کیا گیا ہے۔

متحدہ عرب امارات میں امریکی سفارت خانے نے بدھ کے روز اعلان کیا ہے کہ امریکی وزارت خارجہ کو خلیج فارس کے عرب ملکوں میں ممکنہ حملوں کے سلسلے میں تشویش لاحق ہے۔

امریکی سفارت خانے نے متحدہ عرب امارات میں امریکی شہریوں سے کہا ہے کہ وہ بلا ضرورت باہر نہ نکلیں اور باہر نکلنے کی صورت میں مکمل احتیاط و ہوشیاری کا مظاہرہ کریں۔

اس سے قبل سعودی عرب میں امریکی سفارت خانے نے اپنے ملک کے شہریوں کو سیکورٹی الرٹ جاری کیا تھا۔

امریکی سفارت خانے نے اعلان کیا تھا کہ ایسی رپورٹیں ملی ہیں جن سے پتہ چلتا ہے کہ ریاض پر میزائل اور ڈرون حملے ہو سکتے ہیں۔

ٹیگس

کمنٹس