ہندوستان میں دھماکہ اور تصادم 2 عسکریت پسند اور 2 پولیس اہلکار ہلاک
Feb ۲۵, ۲۰۲۱ ۱۰:۰۲ Asia/Tehran
ہندوستان میں ہونے والے دھماکے اور تصادم میں 2 عسکریت پسند اور 2 پولیس اہلکار ہلاک ہو گئے۔
ہندوستان کی ریاست چھتیس گڑھ کے ضلع نارائن پور میں نکسلیوں نے دو مختلف مقامات پر آئی ای ڈی دھماکہ کیا جس میں 2 سکیورٹی اہلکار ہلاک ہو گئے۔ ان دھماکوں میں ایک سکیورٹی اہلکار زخمی بھی ہوا جسے قریبی اسپتال منتقل کیا گیا۔
ادھر ہندوستان کے زیر انتظام کشمیر میں سکیورٹی فوسز کے آپریشن میں 2 عسکریت پسند جاں بحق ہوئے۔
کشمیر زون پولیس کے انسپکٹر جنرل وجے کمار کا کہنا ہے کہ اننت ناگ کے سری گفوارہ علاقے کے شال گل جنگلات میں ہونے والے تصادم میں دو عسکریت پسند مارے گئے جن کی شناخت ابھی معلوم نہیں ہوسکی ہے۔
انہوں نے کہا کہ یہ کافی گھنا جنگل ہے تاہم سیکورٹی فورسز نے عسکریت پسندوں کو محاصرے میں لینے میں کامیابی حاصل کی۔
