SAHAR

ہندوستان کی ریاست مھاراشٹرا میں ہونے والی موسلادھار بارشوں کے بعد لینڈ سلائیڈنگ ہوئی جس کے نتیجے میں بہت سے افراد مٹی کے نیچے دب گئے ہیں جن میں سے 16 افراد کی لاشوں کو باہر نکال لیا گیا ہے۔

سحرنیوز/ہندوستان: فرانسیسی نیوز ایجنسی کی رپورٹ کے مطابق ہندوستان کی ریاست مھاراشٹرا میں موسلادھار بارشوں کا سلسلہ جاری ہے جس کی وجہ سے لینڈسلائیڈنگ کے ہونے والے واقعات میں بہت سے افراد مٹی کے ملبے کے نیچے دب گئے۔

رپورٹ کے مطابق ریاستی حکام نے اس حوالے سے کہا ہے کہ ابھی تک ہم نے لاشوں کی گنتی نہیں کی ہے لیکن اندازہ ہے کہ ابھی تک 12 سے 14 افرد کی لاشوں کو مٹی کے ملبے سے نکال لیا گیا ہے۔ مزید لوگوںکو دھونڈنے یا ممکنہ لاشوں کو نکالنے کے لئے امدادی کاروائیوں کا سلسلہ جاری ہے اور مزید 50 افراد ملبے کے اندر موجود ہونے کا خدشہ ظاہر کیا جا رہا ہے۔