ہندوستان: ٹرین میں آتش زدگی، 9 افراد ہلاک، کئی زخمی
لکھنؤ سے رامیشورم جانے والی ریل گاڑی میں آگ لگنے سے 9 افراد ہلاک ہوگئے ہیں۔
سحرنیوز/ ہندوستان: ہندوستانی میڈیا کے مطابق ریاست تمل ناڈو میں مدورائی ریلوے اسٹیشن پر لکھنؤ سے رامیشورم جانے والی ایک ٹرین کے ٹورسٹ کوچ میں آگ لگ گئی جس کے نتیجے میں 9 افراد ہلاک ہوگئے۔ ریلوے حکام کے مطابق یہ واقعہ 26 اگست کو علی الصباح سوا پانچ بجے کے قریب پیش آیا۔
اطلاعات کے مطابق یہ حادثہ اس وقت پیش آیا جب ریل گاڑ مدورائی اسٹیشن پر کھڑی تھی۔ اطلاعات کے مطابق کچھ مسافر مبینہ طور پر غیر قانونی طریقے سے گيس سلینڈر ٹرین کے ڈبے میں لے آئے تھے، انہوں نے کافی بنانے کے لئے جیسے ہی سلیندڑ جلایا تو سلینڈر پھٹ گیا اور آگ لگ گئی۔ دیکھتے ہی دیکھتے ٹورسٹ کوچ سے آگ کی لپٹیں اٹھنے لگیں اور افرا تفری مچ گئی۔
اطلاع ملنے پر آگ بجھانے والا عملہ جائے حادثہ پر پہنچا اور کافی مشقت اور کوشش کے بعد آگ پر قابو پایا جاسکا۔
