روسی صدر کے دورہ ہندوستان میں اسٹریٹجک شراکت داری اور علاقائی معاملات پر بات چیت متوقع ہے : ہندوستان
حکومت ہندوستان نے دعوی کیا ہے کہ روسی صدر ولادیمیر پوٹن کا آئندہ ہفتے ہونے والا دورہ اسٹریٹجک شراکت داری کو مزید مضبوط بنانے کا وژن طے کرنے اور باہمی دلچسپی کے علاقائی وعالمی معاملات پر تبادللہ خیال کرنے کا موقع فراہم کرے گا۔
سحرنیوز/ہندوستان: ہندوستانی وزارتِ خارجہ نے ایک بیان میں کہا کہ صدر پوٹن بھارتی وزیراعظم نریندر مودی کی دعوت پر چار سے پانچ دسمبر تک ہندوستان کا دورہ کریں گے۔ بیان میں مزید کہا گیا ہے کہ پوٹن کا یہ دورہ بھارت اور روس کو اپنے تعلقات میں ہونے والی پیش رفت کا جائزہ لینے کا موقع فراہم کرے گا۔ دراین اثنا بھارتی سیکریٹری دفاع راجیش کمار کا کہنا ہے کہ روسی صدر ولادیمیر پیوٹن کے دورہ بھارت میں دفاعی معاملات پر کوئی بڑا اعلان متوقع نہیں ہے۔اور دورے کے دوران ایس چارسوسسٹم پر بھی کوئی پیشرفت متوقع نہیں ہے۔
یہ دورہ اس لیے اہم سمجھا جا رہا ہے کہ یہ ایسے وقت میں ہو رہا ہے جب ہندوستان کی روسی توانائی کی درآمد اور بالخصوص امریکی صدر کی جانب سے اگست میں ہندوستان پر تعزیری پابندیاں عائد کئے جانے کے بعد سے ہندوستان اورامریکہ کے تعلقات میں تناؤ پیدا ہوا ہے۔
یادرہے صدر پوٹن تئیس ویں سالانہ ہندوستان-روس سمٹ میں شرکت کے لئے ہندوستان آرہے ہیں-
ہمیں فالو کریں:
Follow us: Facebook, X, instagram, tiktok
