SAHAR

ایران کی بری فوج کے کمانڈر نے کہا ہے کہ اگر دشمنوں نے ایران کے خلاف کوئی بھی غلط قدم اٹھانے کی کوشش کی تو انہیں ملک کی مسلح افواج کی جانب سے دندان شکن جواب دیا جائے گا۔

سحر نیوز/ایران: بریگیڈئیر جنرل کیومرث حیدری نے منگل کے روز ایران کے شمال مشرقی سرحدی علاقے دوغارون میں ایک فوجی چھاؤنی کے دورے کے موقع پر کہا کہ ایرانی فوج سرحدوں کے دفاع کے لیے ہرممکن اقدامات کرنے کو تیار ہے۔

انہوں نے کہا کہ ماضی میں منشیات کے اسمگلروں اور دہشتگردوں نے بعض ممالک کی حمایت سے حالات کو خراب کرنے کی کوشش کی جنہیں سخت جواب دیا گیا۔

جنرل حیدری نے کہا کہ سرحدوں پر فوج کی تعیناتی کا مقصد تخریب کاروں یا دہشتگردوں سے سرحدوں کی امنیت کو لاحق خطرات نہیں ہیں بلکہ فوجیوں کی موجودگی کا مقصد سرحدوں کی بہتر نگرانی اور پائیدار سلامتی کو یقینی بنانا ہے۔