ایران اور چین یونی پولرازم کی مخالفت جاری رکھیں گے
ایران اور چین کے صدور نے بیجنگ میں ایک دوسرے سے ملاقات اورہر سطح پر یونی پولر ازم کی کھلی مخالفت کا عزم ظاہر کیا ہے۔
سحر نیوز/ ایران: صدر ایران سید ابراہیم رئیسی پیر کے روز تین روزہ سرکاری دورے پر بیجنگ پہنچے جہاں انہوں نے اپنے چینی ہم منصب شی جن پھنگ سے ملاقات اور باہمی دلچسپی کے سب ہی معاملات پر تبادلہ خیال کیا ۔ چین کے صدر نے کہا ہے کہ انکا ملک اقتدار اعلی اور ارضی سالمیت کے تحفظ کے لیے ایران کی کوششوں کی بھرپور حمایت کرتا ہے۔
چین کے سی جی ٹی این نیٹ ورک کے نامہ نگار یون ژاؤ کا کہنا ہے کہ صدر ایران کا دورہ چین دونوں ملکوں کے درمیان تعاون کے فروغ کی علامت ہے۔
چین اسلامی جمہوریہ ایران کا سب سے بڑا تجارتی پارٹنر ہے اور دونوں ممالک کے درمیان تجارت کا سالانہ حجم پچیس ارب ڈالر کے برابر ہے۔
چین کے شیامن انسٹی ٹیوٹ کے محقق لی وانگ تسے نے صدر ایران کے دورے اور ان کے پر تپاک خیرمقدم کو تہران کے لیے بیجنگ کی بھرپور حمایت کا آئینہ دار قرار دیا ہے۔
العربی الجدید کو انٹرویو دیتے ہوئے لی وانگ تسے کا کہنا تھا کہ یہ دورہ ایسے وقت میں انجام پارہا ہے جب دونوں ممالک انتہائی حساس دور سے گزر رہے ہیں، ایک جانب چین اور امریکہ کے تعلقات ، تجارت، ٹیکنالوجی، فوجی اور سیکورٹی مسائل اور خاص طور سے بیلونوں کے معاملے پر کشیدگی اور تناؤ کا شکار ہیں تو دوسری جانب ایران کو مغرب اور امریکہ کی جانب سے پابندیوں اور دباؤ کا سامنا ہے۔
چین کے اس نامور تجزیہ نگار کا کہنا تھا کہ صدر شی جن پھنگ نے اپنے ایرانی ہم منصب کو دورے کی دعوت دی اور ان کا جس گرمجوشی کے ساتھ استقبال کیا گيا وہ اس بات کی علامت ہے کہ بیجنگ تہران کی حمایت جاری رکھنے کا پختہ ارادہ رکھتا ہے۔
انہوں نے کہا کہ صدر ایران کے دورہ چین سے اس بات کی بھی نشاندھی ہوتی ہے کہ دونوں ممالک امریکہ اور مغرب کے مقابلے کی پالیسی کو جاری اور اسے پائیدار بنانا چاہتا ہیں۔
واضح رہے کہ ایران اور چین کے صدور نے گزشتہ سال ستمبر میں شنگھائی تعاون تنظیم کے اجلاس کے موقع پر سمر قند میں ایک دوسرے سے ملاقات کی تھی جس میں صدر شی جن پھنگ نے صدر سید ابراہیم رئیسی کو بیجنگ کے دورے کی دعوت دی تھی۔
کی پالیسی کو جاری اور اسے پائیدار بنانا چاہتا ہیں۔
واضح رہے کہ ایران اور چین کے صدور نے گزشتہ سال ستمبر میں شنگھائی تعاون تنظیم کے اجلاس کے موقع پر سمر قند میں ایک دوسرے سے ملاقات کی تھی جس میں صدر شی جن پھنگ نے صدر سید ابراہیم رئیسی کو بیجنگ کے دورے کی دعوت دی تھی۔
