سُوپ تو سُوپ چَھلنی بھی بولی جس میں بَہَتَّر چھید، ایران کا برطانیہ حکومت کو منہ توڑ جواب
ایران کی وزارت خارجہ کے ترجمان نے اپنے ایکس اکاونٹ پر لکھا ہے کہ ایران پر ملکوں کے معاملات میں مداخلت کا الزام مضحکہ خیز ہے جب کہ برطانیہ خود مداخلت کا شرمناک ریکارڈ رکھتا ہے۔
سحرنیوز/ایران: ایران کی وزارت خارجہ کے ترجمان اسماعیل بقائی نے اپنے ایکس اکاونٹ پر لکھا ہے کہ برطانوی حکومت فلسطینی عوام کی نسل کشی اور ایران مخالف دہشت گردی کی حامی حکومت کے طور پر اپنے جرائم پر پردہ ڈالنے کے مقصد سے بے بنیاد الزامات کا سہارا لے رہی ہے۔
ایران پر مداخلت کا الزام نہایت مضحکہ خیز ہے جب کہ برطانیہ کی پوری تاریخ اس شرمناک عمل سے بھری پڑی ہے کہ قوموں کے اندرونی معاملات میں مداخلت کرتی رہی ہے مختلف ممالک پر تسلط قائم کیا ہے۔ انھوں نے کہا کہ یہ انیسویں صدی نہیں ہے اور اب وقت بدل چکا ہے، ایرانی قوم پر بے بنیاد الزامات لگانے والی کسی بھی حکومت کو جواب دہ ہونا پڑے گا۔
