SAHAR

اسلامی جمہوریہ ایران کے وزیر خارجہ سید عباس عراقچی نے کہا ہے کہ ایران کا ایٹمی پروگرام اور ٹیکنالوجی ہمارے ذہن و دماغ میں رچ بس گئی ہے جسے بمباری سے تباہ کرنا ناممکن ہے۔

سحرنیوز/ایران: سید عباس عراقچی نے جدہ میں اسلامی تعاون تنظیم کے اجلاس کے موقع پر فرانس کے خبررساں ادارے کو انٹرویو دیتے ہوئے کہا کہ ایران کے جوانوں نے یہ ٹیکنالوجی مکمل طور پر حاصل کرلی ہے لہذا ایران کے ایٹمی پروگرام کو ختم کرنا ناممکن ہے۔ انہوں نے ٹرمپ کی شدید پابندیوں کی پالیسی کے بارے میں کہا کہ جب تک امریکہ کی جانب سے دباؤ کی پالیسی کا سلسلہ جاری رہے گا مذاکرات کا سوال ہی پیدا نہیں ہوتا۔ انہوں نے خبردار کیا کہ صیہونی حکومت کے ایران پر ممکنہ حملے کی حماقت کی صورت میں مغربی ایشیا میں جنگ کا دائرہ پھیل جائے گا۔