میری ٹائم سیکورٹی بیلٹ مشترکہ بحری مشقیں ایرانی بحریہ کی صلاحیتوں اور توانائیوں کی مظہر ہيں: ایرانی وزیر خارجہ
اسلامی جمہوریہ ایران کے وزیر خارجہ نے ساتویں میری ٹائم سیکورٹی بیلٹ فوجی مشقوں کی مناسبت سے ایرانی بحریہ کے کمانڈر کے نام اپنےمبارکبادی کے پیغام میں ان مشقوں کو بین الاقوامی سطح پر ایرانی بحریہ کی طاقت وتوانائی کا مظہر قرار دیا ہے۔
سحرنیوز/ایران: سید عباس عراقچی نے خلیج فارس، آبنائے ہرمز، بحرعمان اور اس سے ماورا سمندری علاقوں کی سلامتی کے تحفظ اور فروغ کے لئے اسلامی جمہوریہ ایران کے عزم و ارادے پر زور دیا اور کہا کہ موجودہ بحری مشقوں نے دنیا والوں کو اسلامی جمہوریہ ایران کا یہ عزم و ارادہ دکھا دیا۔ یاد رہے کہ اسلامی جمہوریہ ایران، روس اور چین کی میری ٹائم سیکورٹی بیلٹ 2025 مشترکہ بحری مشقیں جاری ہیں جن میں ان تین ملکوں کے علاوہ، پاکستان، آذربائیجان، جنوبی افریقا، عمان، قزاقستان، قطر، عراق، متحدہ عرب امارات اور سری لنکا بھی ناظر کی حیثیت سے شریک ہیں۔
