ایران ہند روابط کی پچھترویں سالگرہ کی مناسبت سے وزیرخارجہ کا پیغام
ایران کے وزیر خارجہ نے ایران ہند روابط کی پچھترویں سالگرہ کی مناسبت سے کہا ہے کہ دو طرفہ تعاون اور ترقی کی راہ ہموار کرنے کے لئے دونوں ملکوں کے روابط بہت اہم ہیں اور ہم اپنی اقوام کی سربلندی کے لئے باہمی شراکت کی تقویت کے مشتاقانہ خواہشمند ہيں۔
سحرنیوز/ایران: اسلامی جمہوریہ ایران کے وزیر خارجہ سید عباس عراقچی نے اپنے سماجی رابطے کے ایکس پیج پر لکھا ہے کہ آج ہم ایران اور ہندوستان کے باہمی روابط کے پچھتر برس پورے ہونے کا جشن منا رہے ہیں، لیکن ہماری مشترکہ تاریخ اور ہمارے ثقافتی روابط اگر ہزاروں سال نہ کہیں تو سیکڑوں برس پرانے ہيں جنہوں نے دونوں اقوام میں اٹوٹ رشتہ قائم کردیا ہے۔
وزیر خارجہ سید عباس عراقچی نے اسی کے ساتھ کہا ہے کہ دو طرفہ تعاون اور ترقی کی راہ ہموار کرنے کے لئے دونوں ملکوں کے روابط بہت اہم ہیں۔ انہوں نے کہا ہے کہ ہم اپنی اقوام کی سربلندی کے لئے باہمی شراکت کی تقویت کے مشتاقانہ خواہشمند ہیں۔
