آئی اے ای اے کے ڈائریکٹر جنرل سے ایران، روس اور چین کے نمائندوں کی ملاقات
اقوام متحدہ کے ویانا ہیڈکوارٹر میں روسی سفیر نے اعلان کیا ہے کہ جمعرات (24 اپریل 2025) کو آئی اے ای اے کے ڈائریکٹر جنرل سے ایران، روس اور چین کے نمائندوں کی ملاقات میں ایران کے ایٹمی پروگرام کے بارے میں گفتگو کی گئی۔
سحرنیوز/ایران: اقوام متحدہ کے ویانا ہیڈکوارٹر میں روس کے سفیر میخائیل اولیانوف نے ٹیلیگرام چینل پر ایک پیغام جاری کرکے لکھا ہے کہ اس ملاقات میں ایران، روس اور چین کے نمائندوں نے ایران کے ایٹمی پروگرام کے مختلف پہلوؤں کے حوالے سے آئی اے ای اے کے ڈائریکٹرجنرل، رافائل گروسی کو مشترکہ میمورنڈم پیش کیا۔
یاد رہے کہ آئی اے ای اے کے ڈآئریکٹر جنرل رفائل گروسی نے گزشتہ ہفتے اپنے دورہ تہران میں، اسلامی جمہوریہ ایران کے وزیر خارجہ سید عباس عراقچی اور ایران کے محکمہ ایٹمی توانائی کے سربراہ محمد اسلامی سے ملاقات اور گفتگو کی تھی۔ ان ملاقاتوں میں ایران اور آئی اے ای اے کے درمیان تکنیکی تعاون کے بارے میں گفتگو کی گئی تھی۔
