صدر ایران ڈاکٹر مسعود پزشکیان نے ایران اور زمبابوے کے درمیان باہمی احترام پر مبنی دوستانہ تعلقات کے فروغ پر تاکید کی ہے۔
سحرنیوز/ایران: تیسرے ایران افریقہ اقتصادی تعاون کے سربراہی اجلاس کے موقع پر زمبابوے کے نائب صدر کانسٹنانٹین چیونگا کے ساتھ ملاقات میں صدر ایران مسعود پزشکیان نے کل دونوں ممالک کے باہمی دوستانہ تعلقات کو فروغ دینے کی اہمیت پر زور دیا۔ انہوں نے کہا کہ یہ دوستانہ تعلقات دونوں ممالک کے درمیان بین الاقوامی تعاون کو بڑھانے کے لیے موزوں پلیٹ فارم ہیں۔
اس ملاقات میں صدر ایران نے صیہونی حکومت کے جرائم کے تسلسل کا ذکر کرتے ہوئے کہا کہ اسلامی حتی غیر اسلامی ممالک کو اس حکومت کے تباہ کن اقدامات کی روک تھام اور بین الاقوامی قانون کے دائرے میں امن و امان قائم کرنے کے لیے مل کر کام کرنا چاہیے۔ ان کا کہنا تھا کہ اتحاد اور ہم آہنگی سے جارحین کو ان کے جرائم روکنے پر مجبور کیا جا سکتا ہے۔
اس ملاقات میں فریقین نے فلسطین میں انسانی حقوق کی خلاف ورزیوں کی ابتر صورتحال پر تشویش کا اظہار کیا اور فلسطینیوں کے حق خود ارادیت کے احترام کے لیے بین الاقوامی اثر و رسوخ کو استعمال کرنے کی ضرورت پر زور دیا۔
