SAHAR

ایران کی تیل کی ریفائننگ کی قومی کمپنی کے نائب سربراہ محمد علی دادور نے بتایا ہے کہ روزانہ تیل کی ریفائننگ کی گنجائش بڑھ کر 24 لاکھ بیرل تک پہنچ گئی ہے۔

سحر نیوز/ ایران:  محمد علی دادور نے بتایا کہ سب سے زیادہ گنجائش آبادان ریفائنری کی ہے جہاں 70 ہزار بیرل خام تیل کو ریفائن کیا گیا جبکہ ستارہ خلیج فارس میں 35 ہزار بیرل اور اصفہان ریفائنری میں 30 سے 40 ہزار بیرل خام تیل سے مختلف پیٹرولیم مصنوعات تیار کی گئیں ہیں۔

محمد علی دادور نے بتایا کہ ایران کی ریفائنریوں میں گزشتہ موسم سرما میں روزانہ 70 سے 80 لاکھ لیٹر پیٹرول، 1 کروڑ سے لیکر 1 کروڑ 20 لاکھ لیٹر ڈیزل اور ماضی سے کئی گنا زیادہ کیروسین اور جیٹ فیول تیار کیا گیا ہے۔