یورینیئم کی افزودگی نہیں تو معاہدہ بھی نہيں ہوگا، ایرانی وزیر خارجہ
وزیر خارجہ سید عباس عراقچی نے مغربی فریقوں کو خبردار کیا ہے کہ ایران کے یورینیم کی افزودگی کے حق کو نفی کرکے، انہیں معاہدے کو بھول جانا ہوگا۔
سحرنیوز/ایران: ایران کے وزیر خارجہ سیدعباس عراقچی نے اپنے ایکس اکاؤنٹ پر ایٹمی توانائی کے شعبے میں ایران کی قومی اور مقامی صلاحیتوں پر زور دیتے ہوئے کہا ہے اس بات کی روشن دلیل ہے کہ کیوں صرف دنیا کے چند ملک ایٹمی ری ایکٹر کا ایندھن بنانے کی صلاحیت حاصل کرنے میں کامیاب ہوئے ہیں۔
انہوں نے لکھا کہ اس کے لیے قابل ذکر مالی ذخائر کے علاوہ، اسٹریٹیجک سیاسی نظر، طاقتور صنعتی تنصیبات، اعلی تعلیم اور ٹیکنالوجی پر مبنی ایک نظام کی ضرورت ہوتی ہے جو افرادی قوت کی تربیت اور فنی معلومات کی پیداوار کرسکے۔
وزیر خارجہ نے اپنے ایکس پوسٹ میں لکھا ہے کہ ایران نے ان صلاحیتوں کو حاصل کرنے کے لیے، بھاری قیمت ادا کی ہے اور ہم ان محبین وطن کو ہرگز ناامید نہیں کریں گے جنہوں نے اس خواب کو شرمندہ تعبیر کیا ہے۔
سید عباس عراقچی نے اس پیغام میں زور دیکر کہا ہے کہ افزودگی کے حق کو نفی کرکے، معاہدہ کا تصور تک نہیں ہوگا لیکن اگر ایٹمی ہتھیاروں کا نفی ہدف ہو، تو معاہدہ کا حصول ممکن ہے۔
