Jul ۲۰, ۲۰۲۵ ۱۸:۰۷ Asia/Tehran
  • صیہونی جارحیت میں متاثرہ ايئر ڈیفنس سسٹم کو تبدیل کر دیا گیا ہے، ایرانی فوج

ایرانی فوج کے آپریشنز کے ڈپٹی چیف نے کہا ہے کہ ہم موجودہ ايئر ڈیفنس سسٹم کو استعمال کرنے کے ساتھ ہی اس کی جگہ نئے سسٹم سے ملک کے فضائی حدود کی حفاظت کو یقینی بنانے میں کامیاب ہوگئے ہیں۔

سحرنیوز/ایران:ریئر ایڈمرل محمود موسوی نے 12 روزہ دفاع میں ایرانی افواج کی کامیابیوں کا ذکر کرتے ہوئے کہا کہ اس مسلط کردہ جنگ میں صیہونی دشمن کی پہلی کارروائی ملک کے ریڈار اور ايئر ڈیفنس سسٹم کے خلاف تھی اور ایران کی ايئر ڈیفنس فورس نے دن رات دشمن کا مقابلہ کیا۔

ڈپٹی چیف نے ملک کی فضائی حدود کو محفوظ بنانے میں ايئر ڈیفنس سسٹم کی بھرپور صلاحیت پر اطمینان کا اظہار کرتے ہوئے کہا کہ صیہونی دشمن نے ایران کی دفاعی صلاحیتوں کو تباہ کرنے کی کوشش کی اور اس جنگ میں ہمارے ايئر ڈیفنس سسٹم کو کچھ نقصان پہنچا، لیکن ہمارے ساتھیوں کی کوششوں سےمتاثرہ  سسٹم کو تبدیل کردیا گیا۔

موسوی نے کہا ہے کہ ہم موجودہ ايئر ڈیفنس سسٹم کو استعمال کرنے کے ساتھ ہی اس کی جگہ نئے سسٹم سے ملک کے فضائی حدود کی حفاظت کو یقینی بنانے میں کامیاب ہوگئے ہیں۔

ٹیگس