SAHAR

رہبر انقلاب اسلامی کے مشیر ڈاکٹر علی لاریجانی نے اتوار کے روز روس کے صدر ولادیمیر پوتین سے ملاقات اور گفتگو کی۔

سحرنیوز/ایران: اسپتنک نیوز ایجنسی کے مطابق، اس موقع پر مغربی ایشیا میں کشیدگی اور ایران کے ایٹمی پروگرام کے بارے میں بھی بات چیت ہوئی۔

کریملن کے ترجمان دمیتری پیسکوف کے مطابق، پوتین نے اس موقع پر علاقے کے استحکام نیز ایران کے ایٹمی پروگرام کے معاملے کے سیاسی حل پر زور دیا۔

قابل ذکر ہے کہ ایران اور روس کے تعلقات جامع معاہدے پر صدر مسعود پزشکیان اور صدر ولادیمیر پوتین کے دستخط کے بعد اسٹریٹیجک نوعیت کے ہوگئے ہیں۔

اس جامع معاہدے کے تحت تہران اور ماسکو معیشت، سائنس، ٹیکنالوجی، ثقافت، سیاحت اور متعدد دیگر شعبوں میں قریبی تعاون کر رہے ہیں۔