امریکہ کے ذریعہ عراق کی فضائی حدود سے ایران کی جاسوسی کا انکشاف

Dec ۲۸, ۲۰۲۵ ۱۳:۰۹ Asia/Tehran

بغداد میں ایرانی سفیر نے انکشاف کیا ہے کہ امریکہ عراق کی فضائی حدود سے ایران کی جاسوسی کر رہا ہے۔

سحرنیوز/ایران: میڈیا ذرائع کی رپورٹ کے مطابق بغداد میں اسلامی جمہوریہ ایران کے سفیر محمد کاظم آل صادق نے بتایا کہ امریکہ ایران کی جاسوسی کے لیے عراق کی فضائی حدود کا استعمال کر رہا ہے۔

ایران کے سفیر نے بتایا کہ نہ صرف امریکہ اپنے جاسوسی جہازوں کی بلکہ اسرائیلی جاسوسی طیاروں کی بھی عراقی حدود میں مدد اور حفاظت کرتا ہے جو کہ ایک سنگین خطرہ ہے۔

انہوں نے بتایا کہ عراق کے اقتدار اعلیٰ اور بغداد کے فیصلوں کے احترام کے ساتھ ساتھ اسلامی جمہوریہ ایران ہر طرح کے جارحانہ اقدام کا جواب دینے کے لیے بھرپور طریقے سے تیار ہے۔

ہمیں فالو کریں:

بغداد میں ایران کے سفیر نے عراق کی استقامتی تنظیموں کو غیرمسلح کئے جانے کے بارے میں عراقی سیاسی گروپوں میں اختلاف کی جانب اشارہ کرتے ہوئے کہا کہ ایران سے قریبی رابطے کے باوجود عراق کے مزاحمتی گروپ کسی سے وابستہ نہیں ہیں بلکہ وہ اپنے فیصلے خود کرتے ہیں۔