تہران میں شہدا کے جلوس جنازہ، عوامی سیلاب ، ذمہ داروں کو سزا دی جائے کے نعروں سے گونج گيا ایران

Jan ۱۴, ۲۰۲۶ ۱۸:۱۷ Asia/Tehran

تہران کے عوام اور حکام نے دارالحکومت کی حفاظت کرنے والے شہداء کے جنازوں میں بھرپور شرکت کرتے ہوئے اسلامی انقلاب کے نظریات کے ساتھ تجدید عہد کیا

سحرنیوز/دنیا: اور اسلامی جمہوریہ ایران کا دفاع کرنے والے گرانقدر شہداء کی بہادری کو خراج تحسین پیش کیا اور اس قوم کے دشمنوں خاص طور پر مجرم امریکہ اور صیہونی حکومت کے خلاف اپنی استقامت اور پختہ عزم کا ثبوت دیا-

امریکی - صیہونی عناصر کے حملوں کے دوران تہران میں سو سے زیادہ شہید ہونے والوں کی تشییع جنازہ آج بدھ کو دوپہر دو بجے تہران یونیورسٹی کے سامنے سے شروع ہوئی جس میں تہران کے عوام اور حکام نے بڑے پیمانے پر شرکت کی -

غم و اندوہ کی اس فضا میں لاکھوں سوگواروں نے امریکہ مردہ باد ، اسرائیل مردہ باد کے فلک شگاف نعرے لگاتےہوئے امریکی اور صیہونی سازشوں کو ناکام بنانے کے عزم کا اعادہ کرتے ہوئے شہداء کے جنازوں کی معراج الشہداء تک تشییع کی-

اسلامی جمہوریہ ایران کے عوام نے اپنے غیرت مند فرزندوں کی بہادری اور شجاعت کو خراج تحسین پیش کیا کہ جنہوں نے ملک کےدفاع کے لئے اپنے سینوں پرگولیاں کھائیں-

اسلامی جمہوریہ ایران کے عوام کے دیرینہ دشمنوں بالخصوص مجرم امریکہ اور بچوں کی قاتل صیہونی حکومت نے گزشتہ چند دنوں میں مہنگائی اور معاشی دباؤ کے بہانے اپنے منظم کرائے کے اور تربیت یافتہ داعش کے مسلح عناصر کو میدان میں اتارا اور برحق مطالبہ کرنے والے عوام کے مظاہروں کو بلوے اور فساد میں تبدیل کردیا اور بے گناہ لوگوں کی جانیں لیں اور بڑے پیمانے پر تباہی مچائی حتی مقدس مقامات کو بھی نشانہ بنایا-

ہمیں فالو کریں:

یہ بات سب پر واضح اور عیاں ہے کہ امریکہ اور بچوں کی قاتل صیہونی حکومت کی مداخلت نہ صرف ایران اور ایرانیوں کے ساتھ ہمدردی کی غرض سے ہے بلکہ افراتفری اور بدامنی پیدا کرنے اور ملک کے نوجوانوں کو مشتعل کرنے اور نفسیاتی جنگ کو ہوا دینے کے لیے ہے۔