SAHAR

یمن کی فوج اور عوامی رضاکارفورس نے ملک کے جنوبی صوبے لحج میں سعودی عرب اور اس کے اتحادی ملکوں کےفوجی اڈے پربیلسٹک میزائلوں سے حملہ کیا -

یمن سے موصولہ خبروں میں بتایا گیاہے کہ صوبہ لحج میں ایک ایئربیس میں جارح ملکوں کے فوجی ٹھکانے پریمنی فوج کے بیلسٹک میزائلوں سے حملے میں سعودی عرب اور اس کے اتحادی ملکوں کے چوہتر فوجی ہلاک اور دو سعودی جنگی طیارے تباہ ہوگئے ہیں -

اس درمیان یمنی فوج کےترجمان شرف غالب لقمان نے کہا ہے کہ اس ایئربیس پر حملے کا منصوبہ پہلے سے تیار کیا گیا تھا جس کی وجہ سے صوبہ تعز میں سعودی عرب اور اس کے اتحادیوں کےوسیع حملے کو بھی ناکام بنادیا گیاہے -

یمنی فوج کے ترجمان نے کہا کہ صوبہ الجوف میں بھی سعودی فوجی ٹھکانے پر اسی طرح کا میزائل حملہ کیا گیا ہے-