قازقستان میں فوجی طیارے کو حادثہ
Mar ۱۴, ۲۰۲۱ ۱۲:۰۶ Asia/Tehran
الماتی میں فوجی طیارہ لینڈنگ کے دوران حادثہ کا شکار ہوگیا جس کے باعث 4 افراد ہلاک ہوگئے۔
قازقستان کے شہر الماتی میں فوجی طیارہ لینڈنگ کے دوران حادثہ کا شکار ہونے کے نتیجے میں 4 افراد ہلاک اور 2 زخمی ہوگئے جنہیں اسپتال منتقل کردیا گیا ہے۔
اطلاعات کے مطابق فوجی طیارہ دارالحکومت نور سلطان سے الماتی پہنچا تھا جہاں لینڈنگ کےدوران حادثے کا شکار ہوا۔
ائرپورٹ انتظامیہ کے مطابق لینڈنگ کے وقت جہاز سے مواصلاتی رابطہ منقطع ہوگیا تھا جب کہ رن وے کے بالکل آخر میں جہاز تباہ ہوا ہے۔
حادثہ بظاہر فنی خرابی کی وجہ سے ہوا ہے تاہم حادثے کی وجوہات کے بارے میں تحقیقات کی جارہی ہیں۔
