سعودی اتحاد ہمارے ڈرون اور میزائلوں کے نشانے پر: یمنی فوج
Jan ۲۶, ۲۰۲۲ ۰۸:۴۷ Asia/Tehran
یمن کی فوج کے نائب کمانڈر نے کہا ہے کہ تمام جارحین ہمارے ڈرون اور میزائلوں کے نشانے پر ہیں ۔
المسیرہ کی رپورٹ کے مطابق یمن کی فوج کے نائب کمانڈر علی الموشکی نے طوفان 2 آپریشن کی طاقت و توانائی کی جانب اشارہ کرتے ہوئے کہا کہ اس کارروائی کے دوران اہم اور جدید ترین ہتھیاروں کا استعمال کیا جا رہا ہے۔ انہوں نے کہا کہ ہمارے پاس ایسے ہتھیار اور ڈرون ہیں جو دشمن کے ہر ملک کو نشانہ بنانے کی صلاحیت رکھتا ہے۔
انہوں نے کہا کہ ابو ظہبی میں «الظفره» ا ایر بیس پر حملہ ایک اہم پیغام تھا اس لئے اسی ایر بیس سے یمن کے مظلوم عوام پر بمباری کرنے والے جنگی جہاز ٹیک آف کرتے تھے۔
واضح رہے کہ یمن کی فوج نے گزشتہ ایک ہفتے کے دوران طوفان یمن ایک اور طوفان یمن 2 کے نام سے ابو ظہبی اور دبئی پر ڈرون اورن میزائلی حملے کئے تھے۔
