جنین کیمپ میں فلسطینی مجاہدین نے ایک اسرائیلی ڈرون مار گرایا
Nov ۱۲, ۲۰۲۳ ۲۰:۴۲ Asia/Tehran
فلسطین کی تحریک جہاد اسلامی کے مجاہدین نے جنین کیمپ میں غاصب اسرائیلی حکومت کا ایک ڈرون طیارہ مار گرایا ہے۔
سحر نیوز/ عالم اسلام: فلسطین الیوم چینل کی رپورٹ کے مطابق فلسطین کی تحریک جہاد اسلامی کے فوجی بازو سرایا القدس کے مجاہدین نے جنین کیمپ پر غاصب اسرائیلی حکومت کے فوجیوں کے حملے کے دوران صیہونی فوج کا ایک ڈرون طیارہ مار گرایا اور پھر اس کو اپنے کنٹرول میں لے لیا۔
اس رپورٹ کے مطابق غزہ پٹی پر جاری غاصب فوج کی جارحیت کے 37 ویں دن سرایا القدس کے مجاہدین غاصب حکومت کی فوج کے سامنے بدستور پوری دلیری کے ساتھ ڈٹے ہوئے ہیں۔
ایک اور رپورٹ کے مطابق سرایا القدس کے جاں بازوں نے غزہ شہر کے مغرب اور جنوب میں غاصب صیہونی حکومت کی کئی فوجی گاڑیوں کو مارٹر گولوں سے نشانہ بنایا ہے۔
