حزب اللہ نے اسرائیلی چھاؤنی پر 2 میزائل مارے
Nov ۲۰, ۲۰۲۳ ۱۵:۲۱ Asia/Tehran
حزب اللہ لبنان نے صیہونی فوج کے ایک کمانڈ سینٹر کو برکان میزائل سے نشانہ بنانے کی خبر دی ہے۔
سحر نیوز/ عالم اسلام: تسنیم نیوز کی رپورٹ کے مطابق، لبنان کی اسلامی مزاحمتی تحریک حزب اللہ نے صیہونی فوج کے ٹھکانوں پر اپنے حملوں کا سلسلہ جاری رکھتے ہوئے اسرائیلی فوج کی ایک نئی پوزیشن کو نشانہ بنانے کی اطلاع دی ہے۔
حزب اللہ لبنان نے ایک بیان جاری کرکے کہا کہ اسلامی مزاحمت کے جیالوں نے غزہ پٹی میں ثابت قدم فلسطینی قوم اور اس کی بہادرانہ اور دلیرانہ مزاحمت کی حمایت میں 20 نومبر صبح 8 بجے بارنیت چھاونی کو 2 برکان میزائل سے نشانہ بنایا جس میں بڑی تعداد میں صیہونی فوجیوں کی ہلاکت اور زخمی ہونے کی خبر ہے۔
