SAHAR

تحریک حماس کے فوجی بازو القسام بریگیڈ نے بتایا ہے کہ اس کے مجاہدین نے صیہونی کالونی ماگین پر میزائل برسائے ہیں۔

سحر نیوز/ عالم اسلام: خبررساں ایجنسی شہاب کے مطابق القسام بریگیڈ نے صیہونی کالونی ماگین پر زبردست میزائل حملوں کی اطلاع دی ہے۔

القسام بریگیڈ کے ایک ذریعے نے یہ بھی بتایا ہے کہ بریگیڈ کے مجاہدین نے غزہ شہر کے شیخ رضوان اور الکرامہ علاقوں میں گھات لگا کر صیہونی حکومت کی کمانڈو فورسز کے دو دستوں کو اپنے محاصرے میں لے لیا۔

مذکورہ ذریعے نے بتایا کہ القسام بریگیڈ کے مجاہدین نے دشمن کے دونوں کمانڈو دستوں کو موت کے گھاٹ اتار دیا اور بحفاظت واپس آگئے۔

فلسطینی ذرائع نے یہ بھی اعلان کیا ہے کہ غزہ شہر کے شمال میں شیخ رضوان علاقے میں فلسطینی مزاحمت کاروں اور غاصب فوج کے درمیان شدید جھڑپیں جاری ہیں۔