حماس: استقامت بہت اچھی پوزیشن میں ہے
غزہ پٹی میں تحریک حماس کے نائب سربراہ نے ایک بیان میں عوام کو یقین دہانی کرائی ہے کہ استقامت بہت اچھی پوزیشن میں ہے۔
سحرنیوز/عالم اسلام: غزہ میں فلسطین کی اسلامی تحریک حماس کے نائب سربراہ خلیل الحیہ نے تاکید کے ساتھ کہا ہے کہ استقامت بہت اچھی پوزیشن میں ہے۔ انہوں نے الجزیرہ ٹی وی کو انٹرویو دیتے ہوئے کہا کہ استقامت، دشمن کے مقابلے میں بھرپور استقامت و پائداری کا مظاہرہ کررہی ہے اور اس نے جنگ میں صیہونی دشمن کو کافی جانی و اسلحہ جاتی نقصان پہنچایا ہے۔ تحریک حماس کے اس عہدیدار نے کہا کہ استقامت مضبوط و پائدار ہے اور اس دشمن کو مزید نقصان پہنچانے کی صلاحیت رکھتی ہے۔ الحیہ نے تاکید کے ساتھ کہا کہ حملوں کو بند ہونا چاہیے اور حملے روکنے کے بعد ہی قیدیوں کی رہائی ممکن ہوگی۔ انہوں نے مزید کہا کہ جب تک حملے بند نہيں ہوں گے اس وقت تک قیدیوں کے تبادلے کی فائل بند رہے گی۔ غزہ میں تحریک حماس کے نائب سربراہ نے کہا کہ عوام کے خلاف حملے بند ہوتے ہی ہم بڑے پیمانے پر قیدیوں کے تبادلے کے لئے تیار ہیں اور یہ بات ہرگز عاقلانہ نہيں ہے کہ وحشیانہ حملوں کے دوران قیدیوں کا تبادلہ انجام پائے اور تحریک حماس دھمکی اور دباؤ میں نہيں آتی۔
