SAHAR

یورپی یونین کی خارجہ پالیسی کے سربراہ نے کہا ہے کہ فلسطینی عوام کا قتل عام روکنے کا واحد راستہ سیاسی طریقہ کار ہے۔

سحر نیوز/ دنیا: یورپی یونین کی خارجہ پالیسی کے سربراہ جوزف بورل نے غزہ کے نہتھے عوام پر صیہونی حکومت کے وحشیانہ حملے کی جانب اشارہ کرتے ہوئے سوشل میڈیا پر لکھا کہ اس المیے اور جنگ کو روکنے کا واحد راستہ سیاسی راہ حل ہے ۔ انھوں نے کہا کہ غزہ میں جنگ بند ہونا چاہئے۔

اس رپورٹ کے مطابق یورپی یونین کی خارجہ پالیسی کے سربراہ بحیرہ احمر اور مقبوضہ فلسطین کے حالات کے بارے میں گفتگو کے لئے پیر کو سعودی عرب پہنچے۔ جوزف بورل نے سعودی عرب سے پہلے لبنان کا دورہ کیا تھا تاکہ سفارتی کوششوں کو آگے بڑھانے اور فلسطینیوں اور صیہونیوں کے درمیان منصفانہ اور پائیدار امن کے حصول کے حالات فراہم کرنے کے لئے لبنانی حکام سے صلاح و مشورہ کریں۔