فلسطینی مجاہدین نے دو اور اسرائیلی فوجیوں کو موت کے گھاٹ اتاردیا، ہلاک شدہ اسرائیلی فوجیوں کی تعداد 523
غزہ میں فلسطینی مجاہدین اور اسرائیلی فوج کے درمیان جھڑپ میں دو اسرائیلی فوجی ہلاک ہو گئے ہیں۔
سحر نیوز/ عالم اسلام: الجزیرہ ٹی وی چینل کی رپورٹ کے مطابق غزہ کی پٹی کے شمال میں فلسطینی مجاہدین اور غاصب اسرائیلی فوجیوں کے درمیان شدید جھڑپ ہوئی جس میں 2 صیہونی فوجی ہلاک ہوگئے۔
دریں اثنا، اسرائیلی میڈیا نے اعتراف کیا ہے کہ غزہ کی پٹی پر اسرائیلی فوج کے زمینی حملے کے بعد سے اب تک 190 کے قریب صیہونی فوجی مارے جا چکے ہیں اور 7 اکتوبر کو جنگ شروع ہونے کے بعد سے اب تک ہلاک ہونے والے غاصب صیہونی فوجیوں کی تعداد 523 ہو گئی ہے۔
ایک اور خبر یہ ہے کہ صہیونی فوج نے آج (بدھ) صبح مغربی کنارے کے مختلف علاقوں پر حملہ کر کے متعدد فلسطینی نوجوانوں کو گرفتار کر لیا۔
قیدیوں کے امور کی کمیٹی اور فلسطینی قیدیوں کے کلب نے ایک مشترکہ بیان جاری کیا ہے جس میں کہا گیا ہے کہ گزشتہ 24 گھنٹے کے دوران غاصب صیہونی فوجیوں نے غرب اردن کے مغربی کنارے کے مختلف علاقوں حملہ کر کے 50 دیگر فلسطینیوں کو گرفتار کرلیا ہے۔
