غزہ پر صیہونیوں کے ہوائی حملے، متعدد فلسطینی شہید اور زخمی
Feb ۰۳, ۲۰۲۴ ۱۱:۳۸ Asia/Tehran
صیہونی حکومت نے غزہ کے مختلف علاقوں کو اپنے حملوں کا نشانہ بنایا ہے۔
سحرنیوز/عالم اسلام: صیہونی جنگی طیاروں نے مرکزی غزہ پٹی کے شہر دیرالبلح پر حملہ کیا اور لوگوں کے گھروں پر بمباری کی جس میں کئی بےگناہ شہری شہید و زخمی ہوگئے۔
صیہونی حکومت کے جنگی طیاروں نے سنیچر کی صبح مشرقی رفح میں عام لوگوں کے گھروں پر بمباری کی ہے۔ صیہونی فوجیوں نے غرب اردن میں اپنی جارحیت کا سلسلہ جاری رکھتے ہوئے مختلف علاقوں پر حملے کئے ہیں جن میں متعدد فلسطینی زخمی ہوگئے صیہونی فوجیوں نے کئی فلسطینیوں کو گرفتار بھی کرلیا۔
