SAHAR

صیہونی میڈيا ذرائع نے آج پیر کو رفح سرحد پر غاصب صیہونی فوج اور مصری فوج کے درمیان فائرنگ کے تبادلے کی خبر دی ہے۔

سحر نیوز/ عالم اسلام: المیادین چینل نے غاصب صیہونی حکومت کے چینل تیرہ کے حوالے سے ایک رپورٹ میں کہا ہے کہ رفح گذرگاہ پر ایک غیر معمولی واقعہ صیہونی فوج اور مصری فوج کے درمیان پیش آیا ہے-

صہیونی میڈیا کی رپورٹ کے مطابق مصری فوج کے اہلکاروں نے رفح کراسنگ کے علاقے میں اسرائیلی فوج پر گولیاں چلائیں جس کے بعد غاصب حکومت کے فوجیوں نے بھی وارننگ کے طور پر فائرنگ کی۔

صیہونی حکومت کے چینل تیرہ نے اس حوالے سے خبر دی ہے کہ یہ واقعہ مصر اور اسرائیل کے درمیان کشیدگی کے عروج کو ظاہر کرتا ہے جس کے بہت اہم سیاسی نتائج ظاہر ہو سکتے ہیں۔