غزہ میں اسرائیلی دہشتگردی پر عالمی برادری کی خاموشی انسانی معاشرے کے لئے خطرناک امتحان: الحوثی
انصار اللہ کے سربراہ نے غزہ کے حالات پر اپنے ایک بیان میں کہا ہے کہ گذشتہ 10 ماہ کے دوران اسرائیل کے جرائم انسانی معاشرے کے لیے ایک خطرناک امتحان ہیں۔
سحر نیوز/ عالم اسلام: یمن کی تحریک انصار اللہ کے سربراہ نے کہا ہے کہ گذشتہ دس ماہ کے دوران غزہ پر اسرائیل کی وحشیانہ جارحیت پورے انسانی معاشرے کے لیے ایک حقیقی اور خطرناک امتحان ہے۔
سید عبدالمالک الحوثی نے جمعرات کو اپنے خطاب میں غزہ کی پیش رفت کے بارے میں کہا: فلسطینی عوام کے خلاف اسرائیل کے نسل کشی کے جنگی جرائم عام انسانی ضمیر اور انسانی معاشرے کی اقدار کے لیے ایک امتحان ہیں۔
انہوں نے مزید کہا: غزہ میں نسل کشی کے جرم کے خلاف عالمی برادری کی خاموشی کا مطلب انسانی وقار اور انسانی معاشروں کے جینے کے حق کو ضائع کرنا ہے۔
انصار اللہ کے رہنما نے مزید کہا: اسرائیلی دشمن جو کچھ کر رہا ہے وہ انسانی معاشروں کے بارے میں غلط اور توہین آمیز نظریہ پر مبنی ہر چیز کی خلاف ورزی ہے۔
