SAHAR

صیہونی حکومت کے چیف آف آرمی اسٹاف نے جنوبی حیفا کے علاقے میں گولانی فوجی چھاؤنی پر حزب اللہ لبنان کے ڈرون حملے کو سخت اور دردناک قرار دیا ہے۔

سحر نیوز/ عالم اسلام: فلسطینی نیوز ایجنسی سما نے رپورٹ دی ہے کہ صیہونی فوج کے چیف آف آرمی اسٹاف نے گذشتہ شب گولانی فوجی اڈے کے دورے کے موقع پر جسے گذشتہ شب حزب اللہ نے حملے کا نشانہ بنایا تھا کہا کہ ہم جنگ کی حالت میں ہیں اور مقبوضہ فلسطین کے اندر ایک فوجی ٹریننگ سینٹر پر حملہ سخت ہے اور اس کے نتائج تکلیف دے ہیں ۔

حزب اللہ لبنان نے اتوار کی رات جنوبی حیفا میں بنیامینا علاقے میں صیہونی حکومت کی گولانی فوجی چھاؤنی پر ڈرون حملہ کیا جس کے نتیجے میں صیہونیوں کے اعتراف کے مطابق چار فوجی ہلاک اور ایک سو دس زخمی ہوگئے۔ جبکہ بعض ذرائع کا کہنا ہے کہ 15 صیہونی فوجی ہلاک ہوئے ۔