SAHAR

جنوبی لبنان کے شہر صور پر صیہونی دہشتگردوں کی بمباری میں کم از کم تین عام شہریوں کے شہید ہونے کی خبر ہے۔

سحر نیوز/ عالم اسلام: ارنا نے لبنانی ذرائع کے حوالے سے بتایا ہے کہ صیہونی ٹولے کے جنگی طیاروں نے آج جنوبی لبنان کے شہر صور میں ایک رہائشی عمارت پر بمباری کی جس کے نتیجے میں اب تک کم از کم تین کے شہید اور متعدد کے زخمی ہونے کی خبر ہے۔

رپورٹ کے مطابق اس حملے میں عمارت مکمل طور سے تباہ ہو گئی جبکہ آس پاس کی عمارتوں کو بھی نقصان پہنچا۔ حملے کے بعد سول ڈیفنس اور امدادی ٹیموں نے شہیدوں اور زخمیوں کو ملبے تلے سے نکالنے کے لئے ریسکیو آپریشن شروع کیا جو تاحال جاری ہے۔