صیہونی فوجیوں کی جبالیا کیمپ پر بمباری، فلسطینیوں کے متعدد گھرتباہ
Nov ۱۶, ۲۰۲۴ ۱۶:۲۷ Asia/Tehran
غزہ کے مختلف علاقوں پر صیہونی حکومت کے ہوائی اور زمینی حملے آج بھی جاری رہے۔
سحر نیوز/ عالم اسلام: صیہونی حکومت کے لڑاکا طیاروں نے آج جنوبی غزہ کے مشرقی خان یونس میں واقع الشیخ ناصر علاقے میں ایک عمارت پر بمباری کی
شہر غزہ کے جنوب مشرقی علاقے الزیتون کے رہائشی علاقوں پر بھی بمباری میں متعدد فلسطینی زخمی ہوگئے۔
المیادین چینل کے نامہ نگار نے بھی ایک رپورٹ میں کہا ہے کہ صیہونی فوجیوں نے شمالی غزہ میں واقع جبالیا کیمپ پر بمباری کرکے فلسطینیوں کے گھروں کو مسمار کردیا ہے۔
شمالی غزہ کے بیت لاہیا میں بھی ایک مسجد کے قریب واقع مکانات پر جارح صیہونی فوج کے حملوں میں متعدد افراد شہید اور زخمی ہوگئے
