صہیونی وزیر جنگ کے اشتعال انگیز بیان پر حماس کا سخت ردعمل
تحریک حماس کے ترجمان نےصیہونی وزیر جنگ کے بیان پر سخت ردعمل کا اظہار کرتے ہوئے کہا ہے کہ یہ بیان اور صہیونی حکومت کے اقدامات امن منصوبے اور معاہدوں کی کھلی خلاف ورزی ہیں۔
سحرنیوز/عالم اسلام: مہر خبررساں ایجنسی کی رپورٹ کے مطابق فلسطین کی اسلامی مزاحمتی تحریک حماس کے ترجمان حازم قاسم نے غاصب اسرائیل کے وزیر جنگ یسرائیل کاتز کے بیان پر سخت ردعمل ظاہر کرتے ہوئے کہا ہے کہ یسرائل کاتز کے اشتعال انگیز بیانات سے اسرائیل کے ناپاک منصوبوں کا بخوبی اندازہ لگایا جاسکتا ہے۔ یہ بیانات فلسطینی عوام کے حقوق کی خلاف ورزی کے مترادف ہیں۔
انہوں نے مزید کہا کہ صہیونی حکومت کے اقدامات امن معاہدے اور خطے کے امن کے لیے خطرہ ہیں، اس سے یہ ظاہر ہوتا ہے کہ اسرائیل فلسطینی عوام کو ان کی زمینوں اور گھروں سے نکالنے کے منصوبے پر عمل پیرا ہے۔
حازم قاسم نے اس بات پر بھی زور دیا کہ یہ اقدامات خطے میں پائیدار امن کے لیے خطرہ ہیں اور موجودہ امن منصوبوں کے ساتھ مطابقت نہیں رکھتے۔
ہمیں فالو کریں:
Follow us: Facebook, X, instagram, tiktok whatsapp channel
واضح رہے کہ صہیونی وزیر جنگ یسرائیل کاتز نے دعویٰ کیا تھا کہ اسرائیل غزہ سے کبھی واپس نہیں ہٹے گا اور شمالی غزہ میں نئے فوجی اور زرعی مراکز قائم کرے گا، جن کو 2005 میں خالی کیا گیا تھا۔
