پاک افغان سرحد پرفائرنگ، ایک ہلاک 6 زخمی
Nov ۳۰, ۲۰۲۰ ۰۹:۰۹ Asia/Tehran
پاک افغان سرحد باب دوستی پر تاجروں اور سیکیورٹی عملے کے درمیان تصادم کے نتیجے میں ایک شخص ہلاک اور دیگر 6 زخمی ہوگئے۔
ذرائع کا کہنا ہے کہ چمن بارڈر باب دوستی پر احتجاج کرنے والے تاجروں اور سیکیورٹی عملے کے مابین تصادم، پھتراؤ، ٹائر جلانے اور فائرنگ سے 2 بچوں سمیت 7 افراد زخمی ہوگئے۔ زخمی افراد کو فوری طور پر چمن کے ضلعی ہسپتال پہنچایا گیا جہاں ایک شخص دوران علاج دم توڑ گیا۔
چمن کے اسسٹنٹ کمشنر زکاءاللہ درانی نے واقعہ کی تصدیق کرتے ہوئے کہا کہ 4 زخمیوں کو کوئٹہ کے سول ہسپتال کے ٹراما سینٹر میں منتقل کیا گیا۔
واقعے کے بعد چمن کے سرحدی علاقے میں سیکیورٹی کو بڑھادیا گیا۔اسپ
خیال رہے اس سے قبل بھی چمن بارڈر پر تشدد کے واقعات پیش آتے رہے ہیں جن میں متعدد افراد ہلاک اور زخمی بھی ہوئے ہیں۔
