SAHAR

پاکستان میں مسافر ٹرین اور مال گاڑی کے تصادم میں متعدد افراد کے زخمی ہونے کی خبر ہے

سحر نیوز/ پاکستان: یہ ریلوے حادثہ اس وقت پیش آیا جب میاں والی سے لاہور جانے والی مسافر ٹرین شیخو پورہ میں قلعہ ستار شاہ اسٹیشن کے قریب کھڑی ایک مال گاڑی سے ٹکرا گئی ۔

ریسکیو ٹیم کے حوالے سے بتایا گیا ہے کہ اس حادثے میں اکتیس مسافر زخمی ہوئے ہیں ۔ ریلوے حکام نے بتایا ہے کہ مسافر ٹرین کے ڈرائیور اور اسسٹنٹ ڈرائیور کو معطل کردیا گیا۔

یاد رہے کہ گزشتہ روز قلعہ ستار شاہ اسٹیشن کے قریب ایک مال گاڑی کی چار بوگیاں پٹری سے اتر گئی تھیں۔ بتایا گیا ہے کہ میاں والی سے لاہور جانے والی مسافر ٹرین بھی کانٹا تبدیل نہ ہونے کی وجہ سے اس ٹریک پر آگئی تھی۔