شہباز شریف اور ولادیمیر پوتین کی ملاقات، پاکستان روس سے توانائی کی فراہمی کا خواہاں (ویڈیو)
پاکستان کے وزیراعظم شہباز شریف نے روس کے صدر ولادیمیر پوتین سے ملاقات میں دونوں ممالک کے درمیان تعلقات مزید مستحکم بنانے کا عزم ظاہر کیا ہے۔
سحرنیوز/پاکستان: تاجکستان کے شہر آستانہ میں شنگھائی تعاون تنظیم کے اجلاس سے قبل پاکستان کے وزیر اعظم شہباز شریف نے روس کے صدر ولادیمیر پوتین سے ملاقات کی اور دوبارہ روس کا صدر منتخب ہونے پر مبارکباد دیتے ہوئے اس امید کا اظہار کیا کہ ان کی قیات میں روس مزید ترقی کرے گا۔ان کا کہنا تھا کہ پاکستان کے روس کے ساتھ دیرینہ اور کاروباری تعلقات ہیں، دونوں ملکوں کے تعلقات مثبت سمت میں گامزن ہیں۔
انہوں نے توانائی کے شعبے میں تعاون کو فروغ دینے کی درخواست کرتے ہوئے کہا کہ پاکستان کو روس سے تیل کی سپلائی موصول ہوئی ہے اور ہم اس کو مزید بڑھانا چاہتے ہیں۔
واضح رہے کہ امریکہ نہ صرف روس بلکہ کئی دوسرے ممالک کے ساتھ پاکستان کے تعلقات پر خوش نہیں اور مسلسل رخنہ اندازی کی کوشش کرتا آيا ہے۔
