SAHAR

پاکستان کے صوبہ خیبر پختونخوا کے علاقے لکی مروت میں سیکورٹی فورسز نے ایک آپریشن میں 8 دہشت گردوں کو ہلاک کردیا ہے۔

سحرنیوز/پاکستان: پاکستانی میڈیا رپورٹوں کے مطابق سیکورٹی فورسز نے صوبہ خیبر پختونخوا کے علاقے لکی مروت میں ایک کامیاب آپریشن کے دوران  8 دہشت گردوں کو ہلاک کردیا۔

رپورٹوں کے مطابق سیکورٹی فورسز نے خفیہ اطلاع ملنے پر لکی مروت کے علاقے وانڈہ شیخ اللہ میں کارروائی انجام دے کر 8 دہشت گردوں کو ہلاک اور 5 کو شدید زخمی کردیا۔

سیکورٹی ذرائع کے مطابق یہ کارروائی اتنی ہوشیاری اور  مہارت سے کی گئی کہ دہشت گردوں کو فرار ہونے کا کوئی موقع نہیں مل سکا۔ علاقے میں ممکنہ دہشت گردوں کی موجودگی کے خدشات کے پیش نظر سرچ آپریشن جاری ہے۔