پاکستان: خیبر پختونخوا کے ضلع کرم میں 23 دہشت گرد ہلاک
پاکستانی فوج کے شعبۂ تعلقاتِ عامہ آئی ایس پی آر کے مطابق خیبرپختونخوا کے ضلع کرم میں سیکورٹی فورسز کی جانب سے دو الگ الگ کارروائیاں انجام دی گئیں جن میں 23 دہشت گردوں کو ہلاک کردیا گیا۔
سحرنیوز/پاکستان: پاکستانی میڈیا ذرائع کی رپورٹ کے مطابق پاکستانی فوج کے شعبۂ تعلقاتِ عامہ آئی ایس پی آر نے بتایا کہ سیکورٹی فورسز نے دہشت گردوں کی موجودگی کی اطلاع پر ٹارگیٹڈ آپریشن کیا گيا، آپریشن کے دوران سیکورٹی فورسز نے دہشت گردوں کی پوزیشن کو مؤثر انداز میں نشانہ بنایا۔
آئی ایس پی آر کا کہنا ہے کہ کرم میں ایک کارروائی میں شدید فائرنگ کے تبادلے میں 12 دہشت ہلاک کیے گئے، کرم میں ہی خفیہ اطلاع پر دوسری کارروائی میں 11 دہشت گردوں کو ہلاک کیا گیا۔
آئی ایس پی آر کے مطابق دہشت گردوں کے خاتمے کے لیے علاقے میں کلیئرنس کا عمل جاری ہے، ملک سے بیرونی حمایت یافتہ دہشت گردی کے مکمل خاتمے تک انسدادِ دہشت گردی مہم جاری رکھیں گے۔
