فلسطین کی سیاسی، سفارتی، انسانی اور اخلاقی حمایت جاری رکھنے کا پاکستان کے صدر اور وزیر اعظم کا اعلان
پاکستان کے صدر اور وزیر اعظم نے فلسطینی عوام سے یکجہتی کے دن کی مناسبت سے الگ الگ خصوصی پیغامات جاری ہیں۔
سحرنیوز/پاکستان: پاکستانی میڈیا رپورٹوں کے مطابق پاکستان کے صدر آصف علی زرداری نے اپنے پیغام میں فلسطینی عوام کی حمایت جاری رکھے جانے کے عزم کا اظہار کیا ہے۔ انہوں نے کہا ہے کہ فلسطین کی سیاسی، سفارتی، انسانی اور اخلاقی حمایت جاری رکھیں گے۔
دوسری جانب فلسطینی عوام سے اظہارِ یکجہتی کرتے ہوئے وزیرِاعظم شہباز شریف نے اپنے پیغام میں کہا ہے کہ فلسطینیوں کی سرزمین سے اسرائیل کے مکمل انخلا کو یقینی بنانا ناگزیر ہے، اسرائیل کا جنگی جرائم پر عالمی قوانین کے مطابق مواخذہ ہونا چاہیے۔ ان کا کہنا تھا کہ فلسطینی عوام نے مثالی، غیر متزلزل اور عزم و ہمت کا مظاہرہ کیا ہے۔
ہمیں فالو کریں:
Follow us: Facebook, X, instagram, tiktok
شہباز شریف نے کہا کہ ہم آزادی اور امن و خوش حالی کے لیے فلسطینیوں کی جدو جہد کے ساتھ ہیں۔
