پاکستان: خیبرپختونخوا کی حکومت نے ٹی ٹی پی سے مذاکرات کی حمایت کرتے ہوئے کہا ہے کہ صوبے میں آپریشن کی اجازت نہیں ہوگی۔

Jan ۰۶, ۲۰۲۶ ۱۷:۱۱ Asia/Tehran

پاکستانی میڈيا کے مطابق صوبۂ خیبر پختونخوا کی پی ٹی آئی حکومت نے ٹی ٹی پی سے مذاکرات کی حمایت کرتے ہوئے کہا ہے کہ صوبے میں آپریشن کی اجازت نہیں دی جائے گی۔

سحرنیوز/پاکستان: روزنامہ جنگ آن لائن کے مطابق صوبہ خیبر پختونخوا کے وزیر اعلیٰ سہیل آفریدی نے اپنی کابینہ کے اجلاس سے خطاب میں کہا ہے کہ صوبے میں کسی بھی آپریشن کی اجازت نہیں دی جائے گی۔ اس رپورٹ کے مطابق انھوں نے کہا کہ بند کمروں میں کئے گئے فیصلوں سے امن قائم نہیں ہوسکتا۔

کے پی کے وزیر اعلیٰ نے کہا کہ امن جرگے نے بھی فوجی کارروائیاں مسترد کردی ہیں۔ اس رپورٹ کے مطابق سہیل آفریدی نے کہا کہ اگر چہ فوجی آپریشن کی تیاریاں کی جارہی ہیں لیکن کوئی بھی ادارہ صوبہ خیبر پختونخوا پر اپنا فیصلہ مسلط نہیں کرسکتا۔

ہمیں فالو کریں:

روزنامہ جنگ کے مطابق صوبہ خیبرپختونخوا کے وزیر اعلیٰ نے یہ باتیں ایسی حالت میں کہی ہیں کہ تحریک طالبان پاکستان کے ساتھ کئی امن معاہدے ہوچکے ہیں لیکن اس گروہ نے کسی بھی معاہدے کی پابندی نہیں کی ہے۔