پاکستان: ڈیرہ اسماعیل خان میں ایک کارروائی کے دوران 3 دہشت گرد ہلاک

Jan ۱۴, ۲۰۲۶ ۱۵:۴۶ Asia/Tehran

پاکستان کے صوبے خیبر پختونخوا کے شہر ڈی آئی خان میں ہونے والی کارروائی کے دوران تین دہشت گرد ہلاک ہو گئے۔

سحرنیوز/پاکستان: میڈیا ذرائع کی رپورٹ کے مطابق ڈیرہ اسماعیل خان میں سی ٹی ڈی نے انٹیلی جنس بیسڈ کارروائی کرتے ہوئے تین مبینہ دہشت گردوں کو ہلاک کرنے کا دعویٰ کیا ہے۔

سی ٹی ڈی کے ترجمان نے کہا کہ ہلاک ہونے والے دہشت گرد پولیس اور سیکورٹی فورسز پر حملوں میں ملوث تھے۔

ترجمان کا کہنا ہے کہ ہلاک دہشت گردوں سے تین کلاشنکوف، نو میگزین اور دو دستی بم برآمد ہوئے ہیں۔

ہمیں فالو کریں:

پاکستان کے وفاقی وزیر داخلہ محسن نقوی نے ڈی آئی خان میں تین دہشت گردوں کو ہلاک کرنے پر کہا کہ خیبر پختونخوا میں قیام امن کے لیے سی ٹی ڈی سمیت تمام فورسز کی کامیابیاں قابل تحسین ہیں۔