عالمی طاقتیں نام نہاد غزہ امن کونسل میں ذاتی مفادات کے لیے اکٹھی ہوئی ہیں: سراج الحق

Jan ۲۶, ۲۰۲۶ ۱۹:۱۹ Asia/Tehran

سابق امیر جماعت اسلامی پاکستان سراج الحق نے کہا ہے کہ نام نہاد غزہ امن کونسل میں فلسطین کی آزادی کا کوئی ذکر موجود نہیں، بلکہ عالمی طاقتیں ذاتی مفادات کے لیے اکٹھی ہوئی ہیں۔

سحرنیوز/پاکستان: سراج الحق نے کہا ہے کہ غزہ پونے دو ارب مسلمانوں کا مسئلہ ہے، مگر افسوس کہ مسئلہ فلسطین پر ہمارے حکمران امتِ مسلمہ کے جذبات کی صحیح ترجمانی نہ کر سکے۔

جماعت اسلامی پاکستان کے مرکزی رہنما کا کہنا تھا کہ امریکہ نے افغانستان اور عراق میں لاکھوں مسلمانوں کو شہید کیا، ایسے میں اگر ڈونلڈ ٹرمپ نوبل انعام کے لیے موزوں قرار پاتے ہیں تو پھر ہلاکو خان اور چنگیز خان کو بھی یہ اعزاز دیا جانا چاہیے۔

ہمیں فالو کریں:

ادھر فلسطین فاؤنڈیشن پاکستان کی سرپرست کمیٹی کے اراکین نے کراچی پریس کلب میں ایک ہنگامی پریس کانفرنس سے خطاب کرتے ہوئے نام نہاد غزہ امن کونسل میں پاکستان کی شمولیت کو مسترد کرنے کا اعلان کیا اور کہا کہ نام نہاد غزہ امن کونسل میں نیتن یاہو جیسے قاتل کی موجودگی سے غزہ میں امن قائم نہیں کیا جاسکتا۔ ٹرمپ اور نیتن یاہو کی موجودگی میں قائم نام نہاد غزہ امن کونسل حقیقت میں بین الاقوامی فراڈ ہےاور امریکہ قابل اعتماد نہیں ہے۔