Feb ۲۲, ۲۰۲۱ ۰۱:۰۲ Asia/Tehran
  • آئی اے ای اے کے ڈائریکٹر کی علی اکبر صالحی سے ملاقات

ایران کے محکمہ ایٹمی توانائی کے سربراہ علی اکبر صالحی اور آئی اے ای اے کے ڈائریکٹر رافائل گروسی نے تہران میں ملاقات کی ہے۔

جوہری توانائی کی عالمی ایجنسی آئی اے ای اے کے ڈائریکٹر جنرل نے تہران میں ہوئے مذاکرات کو مثبت اور منطقی قرار دیتے ہوئے کہا کہ تہران اور ایجنسی کے مابین ایٹمی مراکز کی معائنہ کاری کے جاری رہنے کے سلسلے میں وقتی طور سے ایک تکنیکی معاہدہ ہو گیا ہے۔

قابل ذکر ہے کہ آئی اے ای اے کے ڈائریکتر جنرل کا دورہ تہران ایسے وقت میں انجام پایا ہے کہ ایران نے ایٹمی معاہدے کے یورپی و امریکی فریق کے رویے کو دیکھتے ہوئے یہ اعلان کر دیا تھا کہ وہ تیئیس فروری کے بعد سے ایڈیشنل پروٹوکول کے تحت رضاکارانہ طور پر انجام دئے جانے والے تمام اقدامات کا سلسلہ روک دے گا۔

ٹیگس